یہ ٹیگ ٹیگ کا کھیل

پہلی بار ایک دوست بلاگر   محترم ضیاء الحسن خان صاحب نے ٹیگ کیا۔پہلے تو معلوم ہی نہیں تھا کہ خدایا یہ کیا ماجرا ہے۔ظاہر ہے اب تک ہم وہ دوسراٹیگ ہی صرف جانتے تھے۔لیکن پھر اردو سیارہ کی مدد سے اکثر اردو بلاگرز کے بلاگ پڑھے تو پتہ چلا کہ یہ بھی بلاگستان  کا ایک کھیل ہے۔

چلو اچھا ہوا ،اس بہانے  کچھ ماضی مستقبل کی باتیں ہوجاتی ہیں۔تو لیجئے سولات کے جوابات

2012ء میں کیا خاص یا نیا کرنا چاہتے ہیں؟

ایک  چھوٹا سا پروگرام شروع کیا ہے دنیا کمانے کیلئے۔۔کوشش کرتا ہوں کہ اسکو کامیاب بناوں۔

2012ء میں کس واقعے کا انتظار ہے؟

کسی خاص واقعے کا تو نہیں ، ہاں  ایک سرکاری محکمے کے ایک اعلان کا انتظار ہے۔

2011ء کی کوئی ایک کام یابی؟

سوچا کہ ابو  کے جیب خرچ  کے سبب کب تک مفت خورئے بنے رہیں گے۔اسلئےکچھ کمانے کیلئے  بازاری زندگی میں قدم رکھا ہے۔فی الحال تو  پھسلنے سے بچے ہوئے ہیں ۔

2011ء کی کوئی ایک ناکامی؟

ہر وقت لوگوں کو کہتا پھرتا تھا کہ بچے کی پیدائش پر ممکن حد تک اپریشن سے بچو ،لیکن خود اس  مسئلے کا سامنا کرنا پڑا۔

2011ء کی کوئی ایک ایسی بات جو بہت یادگار یا دل چسپ ہو؟

اللہ تعالیٰ نے ایک پیاری سی بیٹی سے نوازا۔

سال کے آغاز پر کیسا محسوس کررہے ہیں؟

بس نارمل

کوئی چیز یا کام جو 2012ء میں سیکھنا چاہتے ہوں؟

یہی  کہ  دنیای معاملات اور دینی معاملات میں دھوکہ دہی سے کیسے بچا جائے۔

میرے خیال میں اردو بلاگستان میں شائد ہی کوئی رہ گیا ہے گو کہ ٹیگا نہیں گیا ہو۔

لیکن اس جلوس میں محترم محمد سلیم صاحب  کہیں نظر نہیں آئے ۔نیز ہندوستان کے محترم نور محمد صاحب کے بارئے میں بھی جاننے کا شوق ہے تو  میں ان دونوں کو ہی ٹیگ کرتا ہوں۔ساتھ ہی محترمہ تحریم صاحبہ کو بھی ٹیگ کرکے توڑی سی تکلیف دیتا ہوں۔بلا امتیاز صاحب کو بھی اگر ٹیگا جائے تو مناسب ہوگا۔