فیس بک ہماری جڑوں کو کھوکھلا کر رہا ہے۔

فیس بک کے ذریعے سے جو نقصانات امت مسلمہ  کے عقائد کو پہنچ رہے ہیں۔تو وہ بیان سے باہر ہیں۔ میں نے اس سلسلے میں  ایک کالم( فیس بک کے نقصانات )کے نام سے لکھا تھا۔جس کو پڑھ کر  بہت سارے دوستوں نے فیس بک کا استعمال ترک کردیا۔لیکن بعض بھائی  نا سمجھی کے سبب  پھر بھی فیس بک کا استعمال کرکے اپنے دین و ایمان کانقصان کرتے ہیں۔یہ نا سمجھ  لوگ کہتے ہیں کہ  ہم تو فیس بک کو صرف دوستوں کےساتھ گپ شپ کیلئے اور  وقت گذاری کیلئے  استعمال کرتے ہیں۔لیکن یہ سادہ لوح اس باتکو نہیں سمجھتے کہ  فیس بک ہے ہی اسی  وقت گذاری اور گپ شپ کیلئے ،اور فیس بک والے چاہتے ہی یہی ہیں کہ  مسلمان  جس طرح بھی ہو،بس فیس بک کا استعمال کرتا رہے ، آپکی وقت گذاری اور گپ شپ کے سبب آپکو پہنچنے والے نقصان کو آپ نہیں جانتے ۔

اسی گپ شپ کے دوران فیس بک کا اربوں روپے کا کاروبار ہوتا ہے۔وہ ہر اس شخص جو کہ فیس بک  استعمال کرتا ہے کہ پروفائل پر اپنے اشتھارات دے کر لاکھوں ڈالر کماتا ہے۔ فیس بک والے روزانہ  ایسے  گروپ بناتے ہیں جو کہ  دین اسلام کے بنیادی عقائد  کا مذاق اڑاتے ہیں اور عقائد اسلام کی تضحیک کرتے ہیں۔

اور یہ لوگ روزانہ اسطرح اسلئے کرتے ہیں  تاکہ فیس بک کے ہر  یوزر  تک انکی آواز پہنچ سکے۔

 نقل کفر کفر نباشد کے تحت کہتا ہوں کہ گروپ اسطرح ہوتے ہیں کہ

  (قران ٹائیلٹ  پیپر کے طور پر  استعمال کرو  ،

  اللہ خنزیر ہے   ،

  قران جلاو  دن   ،

  گستاخانہ خاکے   ،

 تین  بے وقوف ابوبکر  عمر اور عثمان   ،

 حضرت عمر کتا ، ) نعوذباللہ۔

 اب اگر لوگ اس گروپ کو رپورٹ کرتے ہیں تو بھی فیس بک والے اتنے آسانی سے اس گروپ کو بلاک کرنے والے نہیں ہوتے۔ بلکہ الٹا بعض اوقات رپورٹ کرنے والے کا   اکاؤنٹ بلاک  کر دیا جاتا ہے۔خود ہم نے کئی عرصہ  تک یہ مکروہ سائٹ (فیس بک) استعمال کی ہے اور یہ تمام کارنامے انہوں نے ہمارے ساتھ کئے ہیں۔ اور الحمدوللہ  گستاخانہ خاکوں کے بعد میں نے اپنا اکاؤنٹ بند کیا ہے۔

اور  یہ   انکا اصل مشن ہے کہ ایک تو فیس بک سے  خوب پیسہ کما کر  انکو مسلمانوں کے خلاف استعمال کرو۔نیز مسلمانوں کے سامنے انکے بنیادی  اسلامی ارکان کی اتنی گستاخی اور توہین کرلو، کہ یہ لوگ اس کے عادی بن جائیں۔

پھر اگر کوئی انکے سامنے بھی اللہ تعالیٰ یہ نبی پاک صل اللہ علیہ و علی اٰلہ و صحبہ و سلم کو گالی دے ، تو یہ بے غیرت اور بے حس بن کر بس چھپ اور خاموش رہیں اور کسی قسم کی مزاحمت نہ کریں۔

نیز اسی گپ شپ کے دوران ہی یہ تمام کام ہوتے ہیں اور  یہ لوگ  گپ شپ لگاتے لگاتے  فیس بک  کی زہر کا شکار ہوجاتے ہیں۔

اب تو بات بہت آگے نکلی ہے کہ پاکستانی اخبارات  باقاعدہ فرنٹ  پیج پر فیس بک کے استعمال کی ترغیب دے رہے ہوتے ہیں، اور اس خدمت کے عوض انکو باقاعدہ  یہ جھنمی انگارے دئے جاتے ہیں۔ جس کو یہ اپنے اور اپنے اولاد کے پیٹ میں ڈالتے ہیں۔

ہم ذرا غور کریں تو آخر کیوں فیس بک کے استعمال پر اتنا زور لگایا جاتا ہے کہ اخبار اور پھر  نامور نامور صحافی  اسکے استعمال کی ترغیب دیتے ہیں، ظاہر ہے کچھ تو ہے جسکی پردہ داری ہے۔حالانکہ اس انٹر نیٹ میں اور بھی بہت سے سوشل نیٹ ورک موجود ہیں لیکن انکا کوئی پوچھتا ہی نہیں۔

اگر ایک آدمی پہلے روز آپکو ماں کی گالی دے تو آدمی اس کے ساتھ لڑ پڑتا ہے ، لیکن روز روز کی گالی اخر اسکی عادت بن جاتی ہے، اور ایک دن یہ آدمی خود بھی ماں کی گالی دینے لگ جاتا ہے۔ یہی مثال فیس بک کی ہے کہ روز روز ایسے گروپ دیکھ دیکھ کر آدمی خود دیوث اور بے غیرت اور بےحث بن جاتا ہے ۔

اور یہ ایک آدمی کے دین و ایمان کیلئے  انتہائی نقصان کی بات ہے کہ  اسکے سامنے ارکان اسلام کی گستاخی ہو اور یہ مذاحمت تک نہ کرے۔

لھذا    خدارا یہ فیس بک کا استعمال ترک کردیں ، کیوں اپنے ایمان کی جڑیں کھوکھلی کر رہے ہو ،  اگر خواہ مخوا  گپ شپ ہی لگانی ہے تو  کوئی اور سوشل نیٹ ورک استعمال کرو لیکن  اس فیس بک سے جان چھڑالو۔ فیس بک کی مثال ہیروئین کی سی ہے ایک دفعی اسکی لت پڑجائے تو پھر چٹکارہ  بہت مشکل سے ملتا ہے ، لیکن اگر شوگر کا مریض میٹھی اشیاء کا استعمال ترک کرسکتا ہے جس میں صرف بدنی نقصان ہے تو ہم کیوں  فیس بک کے سبب اپنا ایمانی نقصان کریں۔

 آپکی اطلاع کیلئے عرض کرتا ہوں کہ  اسلام اخبار میں یہ  خبر شائع ہوئی ہے کہ جن دو دنوں میں فیس بک نے گستاخانہ خاکوں کا انعقاد کیا تھا تو  صرف مسلمانوں کے دو دن کے بائکاٹ  سے فیس بک  کا دو بلین یورو  کا نقصان ہوا تھا ، یہ بائکاٹ اگر زیادہ دن تک رہتا تو آج فیس بک شائد بند ہوتا۔

 یہ باتیں میں نے فقط آپ لوگوں کی خیر خواہی کیلئے لکھے ہیں، آج کل  مفت کے بد خواہ تو ملتے ہیں خیر خواہ بہت مشکل سے ملتے ہیں ۔

آپکی خیر خواہی  چاہنے والا

بندہ : درویش   خُراسانی

۔۔

ایک اطلاع :

معروف ٹی وی اینکر اور صحافی جاوید چودھری نے فیس بک کی حمایت میں ایک کالم لکھا تھا ۔جس میں جاوید چودھری نے ایک مسیحا کے طور پر فیس بک کے استعمال کا مشورہ دیا تھا۔

میں نے جب وہ کالم پڑھا تو میں نے سوچا کہ  اسکے کالم کا اگر بروقت جواب دیا جائے تو اچھا ہوگا، شائد جاوید صاحب اپنے اس مشورے پر نظر ثانی کرئے۔

پھر میں نے چاہا کہ وہ جوابی کالم اپنے دیگر دوستوں کے ساتھ بھی شئیر کروں تاکہ انکو بھی فائدہ ملے۔پھر اسی وقت میں نے وہ کالم ایک اردو بلاگ پر شئیر کردیا اور وہاں اس جوابی کالم کوتقریبا 2900 سے زیادہ  لوگوں نے پڑھا  اور اسکو پسند کرکے آگے اپنے دوستوں کو بھی فارورڈ کردیا، اور کئی لوگوں نے اس پر تبصرے کرکے اپنے خیالات کا اظہار کیااور فیس بک کے بائیکاٹ کا اعلان کیا ۔

آپ کو بھی  اگر فرصت ملے تو اس کالم کوبھی ضرور پڑھ لیں۔شکریہ

 جوابی کالم پڑھنے کیلئےیہاں کلک کریں۔